Kahen chand rahon m kho gaia ,khen chandni bhi bathak gae

کہیں چاند راہوں میں‌ کھو گیا، کہیں چاندنی بھی بھٹک گئی

میں چراغ وہ بھی بجھا ہوا، میری رات کیسے چمک گئی

-

میری داستاں کا عروج تھا تیری نرم پلکوں کی چھاؤں‌ میں

میرے ساتھ تھا تجھے جاگنا تیری آنکھ کیسے جھپک گئی
-
کبھی ہم ملے بھی تو کیا ملے، وہی دوریاں‌ وہی فاصلے
نہ کبھی ہمارے قدم بڑھے، نہ کبھی تمہاری جھجک گئی
-
تجھے بھول جانے کی کوششیں کبھی کامیاب نہ ہو سکیں
تیری یاد شاخِ گلاب ہے جو ہوا چلی تو لچک گئی

 

بشیر بدر